|
|
 |
Kontenido di e página: Limitashon nan di web | Tipo i grandura di lèter | Koló | Imágen i grandura di failnan | Resolushon di pantaya | HTML i kompabilidat di browser | Pantaya i komportashon di lesa
Limitashon nan di web:
Ki un bishitante por hasi?
Den prinsipio bo por kuminika ku un publiko grandi ku un wèpsait. Pero pa laga un grupo di enfoke grandi lesa bo informashon,bo informashon mester ta fasil pa yega na dje. Bo ta depende totalmente di e posibilidatnan tekniko di e bishitante: Kon avansá nan aparatura ta, e software instalá i e rapides di nan konekshon di internet.
Banda di esaki bo mester realisá ku lesa di un pantaya ta otro for di lesa den un folder, i ku skibi pa e web tin su propio reglanan.
Den kaso ku un parti di bo grupo di enfoke tin handikepnan fisiko, ta bon pa konsulta saitnan tokante di e topiko.
Hopi bes bariera nan ta wordu pone inkonsientemente. Pa evita esaki, ta bon pa sa kua posibilidatnan i limitashon nan di e web bo tin di tene kuenta ku nan ora bo ta deseñado bp wèpsait.
Aki bou bo ta haña nan en breve. Pa informashon ekstenso tokante e kantidat di e topikonan por haña bou di e set di boton 'Traha ku...'.
Tipo i grandura di lèter
Ora ta usa tipo di lèter (fonts) bo ta depende di e software instalá riba e komputer di e bishitante. Ta un kantidat limitá di tipo di lèter ta presente komo mas o menos standarisá den mayoria di Windows, Linux i sistema nan di Mac i ku ta wordu konsidera generalmente usabel pa 'webfonts'.
Pa stipulá e grandura di lèter, bo no por hasi uso di sistema metriko di semper, kaminda e grandura ta wordu ekspresa den 'punten'. E web konose su propio sistema di midi, kaminda e formatonan 1 te ku 7 so ta wordu husa.
Mas informashon: mira Traha ku tipo di lèter.
Koló
Den prinsipio bo tin un eskoho for di mas o menos
16 miljoen di koló, pero e posibilidatnan di e pantaya di e bishitante ta stipulá e kantidat kolónan ku ta wordu mira. E kalidat di e patayanan a drecha e ultimo añanan, pesei bo no tin mestr di ta asina kuidadoso ku e uso di koló.
Si bo ta sigur ku en gran parti di bo publiko di enfoke tin aparatura relativamente primitivo, anto e orei ta bon pa hasi uso di e palet limita di 216 e asina yama 'kolónan sigur'.
Mas informashon: mira Traha ku koló.
Imágen i grandura di failnan
Ser kuidadoso ku e uso di hopi i imágen nan grandi. Nan ta stipula pa gran partie e grandura di e página den kB i asina tambe e tempu ku ta dura pa por mira e página kompleto riba e pantaya.
E 'tempu di download' di un página ta depende entre otro di e kalidat di e konekshon di internet, i rapides di e modem, i e rapides di e modem di e PC di e bishitante. Bishitantenan via un liña di telefon regular of via di un konekshon swak di kabel, hopi bes nan tempu di download no ta mas ku 6 kB pa sekonde. Bo por imaginabo kon largu e ta dura pa mira un imágen, ku un grandura di fail di 120 kB.
Ta bon ku awor tin hopi programa di 'image editors' ku por limita i optimalisa e grandura di failnan di imágen pa e web. E potretnan aki tin sufisienten kalidat pa e web, a menos ku nan ta wordu publika pa kosnan speshal.
Mas informashon: mira Traha ku imágen.
Resuloshon di pantaya
E posibilidatnan di e pantaya di bo bishitante ta stipula den kua formato bo sait lo wordu presenta. Mas grandi e resulushon (kantidat di pixels), mas informashon por pas riba e pantaya. E posibilidatnan general pa e pantayanan di awor ta, respektivamente den anchura x altura, 800x600 pixels, 1024x768 pixels, of mas altu.
Ta iritante i kasi imposibel, pa lesa un página ku ta mas anchu ku e pantaya. Bishitantenan mester bai skrol horizontal e orei. Ta pesei ta miho pa traha bo sait i test e pa un anchura di 800 pixels.
E eksihensi aki ta pa un publiko di enfoke ku un aparatura relativamente primitivo: traha bo sait pa un resolushon di pantaya di 640x480 pixels.
Mas informashon: mira Traha ku midi.
HTML i kompabilidat di browser
HTML (HyperText Markup Language) ta un idioma di komputer desaroyá den kuminsamentu di añanan nobenta pa hinka posibilidatnan di hyperteksto den tekstonan na un manera fasil: konektá dokumentunan pa medio di linknan. Despues HTML a bira e idioma standarisá pa traha dokumentunan ku por wordu mira riba e World Wide Web, i akuerdonan internashonal a ser hasi tokante e uso di HTML.
E produsentenan di browsers (Internet Explorer, Netscape, Opera, etc.) den prinsipio ta sigui e akuerdonan standarisá, pero na mes momentu nan ta gusta krea posibilidatnan ekstra pa nan distingui nan mes for di otro. E konsekuensia di esaki ta ku mas i mas elementonan ta bira propiedat komun riba e web ku no ta wordu apsepta komo un standarisashon dor di tur browsers.
E produsentenan di QwikZite ta trata pa tene e programa mas kompatibel posibel ku e diferente vershonan di e diferente browsernan.
QwikZite ta hinka den otro di manera ku e usadonan den prinsipio no tin ku hasi nada ku HTML. E programa mes ta hasi e kodo di HTML di e tekstonan hinká dor di e usadonan.
Uso di kodo di HTML ekstra den teksto ta ofrese hopi posibilidatnan ekstra pa e usadonan di QwikZite, esaki ta varia for di un deseño simpel di tekto te ku opshonnan mas avansá komo hinkamentu di tabelonan.
Mas informashon tokante e uso di HTML: mira Traha ku HTML.
Pa un lista ku e browsernan mas usa: mira Softwer util.
Pantaya i komportashon di lesa
Lesa for di un pataya ta bai 25 prosiento mas poko ku lesa for di papel. A resulta ku hende no ta lesa página di web, pero nan ta 'skan' mas tantu: nan ta 'piki' algun palabra i partinan for di e tekto kompleto i ta sigui surf lihe bai.
Pesei no laga bo sait ta un kopia eksakto di bo folder, pero adapta e konstelashon di bo tekstonan i e posishon di man robes di bo sait na e komportashon di lesa spesifiko aki.
Mas informashon: mira Traha ku teksto di web.
Bai na top | Tipo i grandura di lèter | Koló | Imágen i grandura di failnan | Resolushon di pantaya | HTML i kompabilidat di browser | Pantaya i komportashon di lesa
|
|
|
|
|
|
Ultimo kambionan riba e página akí |
|
|
|
|