|
|
 |
Kontenido di e página: Traha ku imágen | Grandura di fail | Tipo di fail | Formato | Optimalisá imágen nan pa e web | Agregá imágen nan den QwikZite | Remplasá imágen nan | Imágen nan standariá | Imágen nan ekstra | Imágen nan di fondo | Favicon
Traha ku imágen
Grandura di fail
Imágen nan ta stipulá pa gran parti e grandura di e página den kB i asina tambe e tempu ku ta dura pa weta e página kompleto riba pantaya. Pesei ta nesesario pa ta kouteloso ku e uso di hopi i partikularmente imágen nan grandi riba e web.
E tempu di 'download' di un página ta depende di entre otro e kalidat di konekshon di internet, i rapides di e modem di e kompiuter di e bishitante. Bishitantenan via di un linia di telefon regular of via di un konekshon di kabel swak, hopi biah tin un rapides di download ku no ta mas ku 6kB pa sekonde.
Fortunadamente ta eksisti hopi programa di 'image editors', ku kual bo por limitá e grandura di fail di e imágen nan i opmitmalisá nan pa e web. A menos ku bo ta publikanan pa uso speshal, e potretnan ta bon pa kalidat di web.
Tipo di fail
Por lo general e tipo di fail JPG (Joint Photographic Experts Group Image File, tambe indiká ku JPEG) e miho tipo pa potretnan i GIF (Graphics Interchange Format Image File) e miho tipo pa otro imágen nan manera logonan.
Otro tipo di fail manera PNG (Portable Network Graphic Image File) no ta rekomendabel, pasombra por mira nan solamente den e edishon nan mas nobo di e browsernan.
Hamas i nunka no usa imágen nan den e tipo di fail BMP (BitMap Picture): e failnan aki hopi bes ta un 300 bes mas grandi ku e failnan ya menshioná i nan ta hasi e website no asesibel!
Formato
E formato di e imágen tambe ta stipula pa gran parti e grandura di fail i e tempu pa download.
Pa ilustratá:
Un imágen-JPG saká direktamente for di un kamera digital ku un anchura di 1600 i altura di 1200 pixels tin un grandura di fail di mas o menos 425 kB.
Redusi na un anchura di 200 pixels, ku ta mas ku sufisiente pa un imágen standart den QwikZite, tin un grandura di fail di e mesun imágen di solamente 4 kB.
Optimalisá imágen nan pa e web
Ora ta optimalisá imágen, tur kos ta depende di e optimalisashon di e grandura di e fail.
Bo ta gana hopi dor di adaptá e kalidat di e imágen, uso di e tipo di fail mas efisiente, i hasimentu di chiki di e imágen na un formato ku no ta mas ku nesesario.
Pa e meta aki tin hopi 'image editors' disponibel:
- Lo mas util ta naturalmente e programanan profeshonal manera Adobe Photoshop i Macromedia Fireworks, esakinan por tur kos, pero nan ta karu.
- Hopi mas barata i awor porta mesun bon ta, e programa ku ta birando mas popular Paint Shop Pro.
- Un otro programa di image editor profeshonal ku hopi posibilidat, gratis, pero no fasil pa traha ku ne, ta The Gimp.
- Si bo ke un programa relativamente fasil pa kuminsa ku ne, e orei tin diferente programa gratis disponibel, menera e programa Irfan View ku tin tur e posibilidat pa optimalisá ya menshiona.
Pa otro programa gratis mira Softwer util - Imágennan.
Agregá imágen nan den QwikZite
- E menu's 'page', 'news' i 'link' tin e opshon pa agregá un imágen standarisá .
- Tambe por agrega imágen nan ekstra na e elementonan menshioná ariba.
- Den e menu 'sitestyle' tin opshonnan standarisá pa agrega logonan i imágen di fondo.
- Finalmente tin e posibilidat pa agregá un favicon na e sait.
E pantayanan pa hinka pa e diferente tipo di imágen nan ta identiko:
Bo ta buska e fail ku bo ke hinka riba bo kompiuter, pa despues pone e lokashon di e fail den e hoki pa hinka.
Despues ku klik riba e boton 'Someté kambio' ariba of abou den e pantaya pa hinka, e imágen ta presentá, ku detayenan manera tipo di fail, grandura di fail i nòmber di fail.
Aki e imágen nan no ta presentá na grandura real pa motibonan praktiko, pero den e formato di 200x200 pixels. E altura i anchura por ta for di proporshon, pero bo no mester prekupa ku esei. Tin un opshon pa mira e imágen nan na grandura real.
Remplasá imágen nan
No ta nesesario pa eliminá imágen nan ku ta hinka kaba prome ku remplasá nan ku otro. Bo mester marka e opshon 'Kita e imágen aki?' solamente ora bo no ke mustra niun imágen.
Tin bes e imágen biew ta keda visibel na parti patras, despues ku a ehekuta e kambio, asta despues ku a refresh/refreska e pantaya. Esaki ta solamente un kueshon di cache (e instalashon di memoria di bo browser). Na e parti dilanti si bo por weta e imágen despues ku refreska bo pantaya.
Korda ku manera bo remplasá òf eliminá un imágen, e 'orginal' no ta presente mas den e database i ku niun manera bo por tover trese e imágen 'biew' bek.
Esaki por kousa sorpresanan no deseá ora ta test e sitestail nan. Espeshalmente ora bo ta traha riba un otro kaminda ku bo sa traha normal, ta bon pa warda bo imágen promé, prome ku bo remplasé of eleminé.
Imágen nan standariá
Imágen nan ku ta hinka standarisá ta ser presentá na e parti dilanti di e website na e siguinte manera:
- Page:
E imágen ta presentá na man drechi parti ariba den e área di teksto, outimatikamente hasi chiki proporshonalmente na e anchura di 200 pixels. E teksto ta pone outomatikamente rondo di e imágen.
No ta rekomendabel pa hinka imágen nan ku un anchura menos ku 200 pixels.
- News:
Ora ta abri un notisia e imágen ta presenta parti robes pariba den e content área, outimatikamente hasi chiki proporshonalmente na e anchura di 200 pixels. E teksto ta pone outomatikamente rondo di e imágen.
No ta rekomendabel pa hinka imágen nan ku un anchura menos ku 200 pixels.
- Link:
E imágen ta presentá den e 'link area' na banda robes di e link, outimatikamente hasi chiki proporshonalmente na e anchura di 100 pixels.
No ta rekomendabel pa hinka imágen nan ku un anchura menos ku 100 pixels.
- Sitestyle:
E imagennan den e 'logo left area', 'logo right area' en 'title area' ta sali riba wepsait den grandura real (QwikZite vershon 1.10) òf ta adaptá e imágen otomatikamente na e haltura i hanchura di e areanan aki (QwikZite vershon 1.09).
Imágen nan ekstra
Tur kaminda den QwikZite kaminda por hinka teksto tambe por hinka imágen nan ekstra. - E imágen nan ta wordu agregá pa e meta aki, prome den e tabelo di 'foto' komo imágen nan 'apart', hinká na e manera usual. Nan ta wordu wardá den e tabelo aki ku un number di ID uniko.
- Nan ta bira visibel riba e wèpsait dor di kodo di HTML ku referensia na e number di ID hinká den e teksto konserní.
Otro for di imágen nan standarisá, por definí e siguiente karakterístikanan di e imágen: posishon riba e página, formato, rant, distansia pa ku e teksto, etc, pa medio di e kodo di HTML. Tambe por transforma e imágen nan den 'hyperlinks'.
Mas informashon: mira Menu 'foto'.
Imágen nan di fondo
Por hinka imágen nan di fondo pa henter página of pa kada sekshon den e menu 'sitestyle'. Manera e nòmber ta indika, e imágen nan aki ta ser presentá komo ambiete di e teksto i e imágen nan normal.
E komportashon di e imágen nan di fondo ta diferente for di e imágen nan normal: nan ta presentá na grandura normal i ku ripitishon. Komo ku esaki ta esigi kalidatnan speshal na e imágen nan, ta dedika un kapitulo den e manual aki na dje.
Mira: Traha ku fondo.
Favicon
Un 'favicon' (of 'shortcut icon') ta un ikon ku ta aparese den e balki di adres di e browser ora ta abri e sait. Por agrega esaki na e sait pa dunele un toke mas profeshonal.
E uso di favicon nan a wordu introdusi pa prome bes den Internet Explorer 5.0, aki e favicon a aparese despues ku e sait konserni a wordu agrega na e lista di 'Favorito'.
Ahinda ta e kaso den e ultimo vershon, Internet Explorer 6.0. E favocon ta outomatikamente semper visibel den vershon nan mas nobo di hopi otro browsers (Firefox, Netscape, Opera i Mozilla).
Tin eksihensianan spesifiko pa un favicon:
- Formato: 16x16 pixels.
- Tip di fail: ICO.
Pa traha un favicon of transforma un fail di imágen usual na un fail di ICO mester usa un 'icon editor'. Por haña un abundasia di icoon editors gratis riba e web, manera e programa Icon Art.
E foto 1 den e tabelo 'foto' ta reserva, pa por agrega bo mes favicon na bo sait.
Komo standart e QwikZite favicon ariba ya tei. Por kambia esaki pa bo mes favicon.
Bai na top | Grandura di fail | Tipo di fail | Formato | Optimalisá imágen nan pa e web | Agregá imágen nan den QwikZite | Remplasá imágen nan | Imágen nan standariá | Imágen nan ekstra | Imágen nan di fondo | Favicon
|
|
|
|
|
|
Ultimo kambionan riba e página akí |
|
|
|
|