|
|
 |
Kontenido di e página: Funshonnan general di menu | Skohe idioma | Skohe tabèl | Selektá artíkulo eksistente | Kambia artíkulo | Hasi kambionan efektivo | Agregá artíkulo nobo | Kopia artíkulo | Hasi artíkulo visibel/invisibel | Kita artíkulo | Ayudo i otro funshonnan
Funshonnan general di menu
Skohe idioma pa menú di usadónan
Den e promé bentana di QZAdmin tin un lista pa skohe e lenga pa traha i pa sigui instrukshon. E vershon hulandes, ingles i papiamentu ta optenibel na e momentu aki.
Skohe tabèl
E balki horizontal tin 9 tabèl den kual ta warda e datonan.
Bo ta drenta den e menú pa kambia òf agregá artíkulo dor di klik riba e nòmber di e tabèl en kuestion.
Unda ku bo ta editando, e nòmber di e tabèl i wèpsait lo ta visibel den e titulo di página komo den e titulo di balki i balki di tarea di bo pantaya.
E karakterístika aki ta fasilitá e orientashon ora bo tin diferente menú di QZAdmin abri den diferente bentana òf ora bo ta trahando den diferente wèpsait.
Selektá artíkulo eksistente
Despues ku selektá un tabèl un lista di eskoho lo aparesé ku artíkulonan ya eksistente den e tabèl.
 Kambia artíkulo
Manera ku bo skohe un artíkulo, mayoria 'browser' lo mustrabo e datonan ya hinka den e artíkulo outomátikamente. Asina bo por sigui trese kambio den e artíkulo.
Den kaso ku un 'browser' no por komprondé e tipo ekstenshon nan di javaskript, mester hasi algu èkstra dor di: klik riba e boton 'Kambia artíkulo'.
 Hasi kambionan efektivo
E hinkamentu òf kambiamentu di dato riba su mes no ta sufisiente pa kambia e wèpsait. Kambionan ta bira efektivo solamente ora primi e boton di 'Someté kambio'.
Si bo sali for de e bentana pa hinka sin hasi esaki, lo bo pèrdè tur e kambionan ku bo hasi!
Despues ku primi e boton, e bentana di hinka lo keda aktivo, ku e mensahe si e kambionan a ser kompletá ku éksito òf no.
Semper chek e parti dilanti di e wèpsait, e sait públiko, pa e resultado di e kambionan hasi. Si e página konserní tabata abri, no lubidá pa primi e boton den bo 'browser' 'Reload'.
Pasobra e parti patras di e bentana di hinka ta keda aktivo, ta fasil pa hasi korekshon dor di ripití e presedura.
 Agregá artíkulo nobo
Ta agregá artíkulo nobo na e tabèl via di e boton 'Agregá artíkulo nobo'. Tur e hòkina pa hinka ta bashí den e bentanan ku ta aparesé.
Despues ku a yena e datos nan mester klik riba e boton 'Prosesá kambionan', sino e artíkulo nobo no ta wòrdu warda.
Un método alternativo pa agregá artíkulo ta discribí aki funkshon di kopia.
 Kopia artíkulo
Ku e funshon di kopia por krea artíkulo nan nobo basa riba un artikulo ya eksistente. Dor di klik riba e boton un artikulo nobo ta ser agregá ku e titulo 'Copy of ..', kaminda tur dato nan hinka ta tuma for di e artikulo original. Despues por skohe pa duna e kopia un nòmber nobo i prosesá e artíkulo.
E funshon di kopia no ta kumbiniente semper, pero ta hopi benefisio si bo ke eksperimentá ku variashon riba sitestyle ya eksistente òf ora bo ke traha back-up di un artíkulo promé ku bo kambi'é.
Paga tinu:
Ora ta kopia un artíkulo e balor nan hinka den e hòki 'Visibel riba website' (mira splikashon aki bou) tambe ta ser kopia.- Ora ta kopia artíkulonan visibel den e tabelnan 'news', 'button' i 'link' tin komo konsekuensia ferfelu ku esaki nan ta ser presentá dòbel na e parti dilanti. P'esei mester kita e marka di ' Visibel riba wèpsait' di e artíkulo kopia mesora ora ta kla ku kopia e hòki. Despues mester klik riba 'Prosesá kambio' pa konfirmá e kambio.
- Un alternativo práktiko ta pa kita e marka den e hòki di 'Visibel riba wèpsait' di e artíkulo original promé (sin konfirmá e kambio) i despues klik riba e botun di kopia. Esaki tin e mesun resultadao i bo ta evitá problema.
Hasi artíkulo visibel/invisibel
Bo por hasi artíkulonan den e tabèlnan di 'Page', 'News', 'Link' i 'Button' visibel òf invisibel riba e parti públiko di e wèpsait dor di marka òf kita e marka den e hòki di selektá di 'Visibel riba wèpsait:'.
E opshon aki ta duna bo e posibilidat pa warda dato nan den artikulo ku bo ta prosesando, sin ku otro nan por mira, te ku bo aktivá nan ora e artíkulo ta kla.
Ku e option aki bo warda informashon nan ku ya a pasa kaba pa uso den futuro si atrobe.
 Kita artíkulo
Por kita un artíkulo definitivamente dor di klik riba e buton 'Kita artíkulo'. Despues bo lo wòrdu puntra pa konfirmá esaki.
E opshon aki no ta den e submunu di 'Sitestyle', komo prekoushon pa e sait no krèsh.
E opshon aki tambe no ta den e submenu 'Page', pa evitá di tin 'boton nan morto' den e sait. Un página mester wòrdu hasi invisibel dor di manera preskribí den e opshon menshoná, asina nan por keda disponibel pa uso en futuro.
Si eliminá un artíkulo for di e database i e sait, e number di ID di e artíkulo lo wòrdu blòkia: artíkulo nan ku wòrdu agregá despues lo no por hana e mesun number di ID. Asina ta evitá ku bishitante nan via di linknan den otro sait (p.e. mashin di buska) lo no mira informashon robes. Ora un number di ID den un link no ta eksistí mas den bo sait, e bishitante lo ser outomátikamente manda na e Página standarisá di eror di bo sait. Esaki bo por programa den e menú 'Defaults'.
Ayudo i otro funshon nan
E balki ariba di QZAdmin ta kontené tres hyperlinks:- Home ta referí na e página promé di QZAmin.
- E siguente link ta referí na e dilanti di bo QwikZite.
- Manual ta referí na e manual, ku ta un parti di QwikZite.Net, ta e site di aporte i lugá i topa pa usadónan i desaroyadonan di QwikZite.
E link di Help ta sensibel pa konteksto, esaki ta referí direktamente na e manual ku ta duna splikashon tokante di e tabèl den kual bo ta trahando.
Bai na top | Skohe idioma | Skohe tabèl | Selektá artíkulo eksistente | Kambia artíkulo | Hasi kambionan efektivo | Agregá artíkulo nobo | Kopia artíkulo | Hasi artíkulo visibel/invisibel | Kita artíkulo | Ayudo i otro funshonnan
|
|
|
|
|
|
Ultimo kambionan riba e página akí |
|
|
|
|